La cuerda de “El valor del rei” ta texida con tres filos, que son tres voces, la d’Aurelio, el rei qu’afuxe; la d’Adosinda, una muyer coles idees mui clares y mui medievales; la de Mauregato, el persiguidor.
Meyor que dicir tres voces será dicir tres pensamientos, dao que tolo que se cuenta nesta novela ta narrao dende l’instante presente de lo que ta pasando, tal como caún d’estos personaxes lo ta viendo y sintiendo. Hai una espada a los pies del rei y hai un mundu medieval que-y impón la orde de garrala, anque sea pa morrer. Tamién hai un mundu modernu d’homes y muyeres que tovía nun se lliberó d’esa manera d’entender el valor del home. |
|
Con motivu de la publicación de la versión de Potestas en castellano, Xulio Arbesú realizó un videoclip explicativu sobre la obra. Equí faise un percorríu pelos llugares más importantes nos que trescurren los fechos que rellata esta novela histórica, y pónselos en rellación colos sos personaxes principales.
|