Los deseos del dineru
XVIII Premiu d'Ensayu "Máximo Fuertes Acevedo" de la Coseyería de Cultura del Principáu d'Asturies.
Ediciones Trabe
Na nuestra civilización tenemos un problema seriu de percepción de la realidá que nos trai infinitos problemes. De la mesma manera que na edá media teníen el problema de que creyíen nel infiernu, y eso facíalos sufrir más de lo necesario pa vivir, lo qu’agora nos fai sufrir más de la cuenta ye la creencia firme de que lo más caro ye más bueno. Andamos llocos tres lo caro, descuidando la realidá de que munches veces lo meyor ye gratuito, otres munches veces lo caro ye completamente innecesario y en xeneral esa creencia fainos sobrevalorar les coses comprables y vendibles en detrimentu del tiempu de vida que nun se basa en coses, sinón en rellaciones.
En “Los deseos del dineru”, dende’l mesmu títulu, l’humor, siempre irónicu, ye un instrumentu esencial d’análisis. De pasu ayuda a contar les coses con más gracia y facer que’l llector d’esti ensayu lo pase bien mientres piensa. Pero lo fundamental ye que la ironía val pa facer xuegos rocambolescos del pensamientu, pa defender una idea nun capítulu y n’otru defender la contraria sin romper les regles del xuegu de la argumentación. Con humor l’autor va poniéndose perbaxo la piel d’unos y otros. Gracies a él esti ensayu ye más profundu y más cuciu, al par que más divertíu.
En “Los deseos del dineru”, dende’l mesmu títulu, l’humor, siempre irónicu, ye un instrumentu esencial d’análisis. De pasu ayuda a contar les coses con más gracia y facer que’l llector d’esti ensayu lo pase bien mientres piensa. Pero lo fundamental ye que la ironía val pa facer xuegos rocambolescos del pensamientu, pa defender una idea nun capítulu y n’otru defender la contraria sin romper les regles del xuegu de la argumentación. Con humor l’autor va poniéndose perbaxo la piel d’unos y otros. Gracies a él esti ensayu ye más profundu y más cuciu, al par que más divertíu.
Testu completu de Los Deseos del Dineru en PDF nel enllaz siguiente:
| los_deseos_del_dineru__2_.pdf |
El destín treshumanu
XV Premiu d’Ensayu “Máximo Fuertes Acevedo”, de la Conseyería de Cultura del Principáu d’Asturies.
Ediciones Trabe
Nel llibru El destín treshumanu Xulio Arbesú intérnase na previsión de la influencia de los avances tecnolóxicos na vida humana nun futuru próximu. Na portada de llibru xuégase cola conocida imaxe de la evolución de los simios hacia l’homo sapiens mostrando una puerta misteriosa que se presenta estraña nesi destín evolutivu. Inxeniería xenética a la carta, implantes de tecnoloxía informática aplicaos en cualquier parte del cuerpu pola mor de la salú o de la comunicación, el mundu virtual a un pasu de la nuestra mente en tolos momentos de la nuestra vida...
Esti ye un ensayu sobre lo bueno y lo malo de tou esi procesu, los retos y los peligros, la búsqueda d’una postura intelixente, flexible y a la vez crítica, delantre d’esi destín que parez imparable. Y too ello sazonao con un humor que val, ente otres coses, pa entender meyor les contradicciones planteaes.
Esti ye un ensayu sobre lo bueno y lo malo de tou esi procesu, los retos y los peligros, la búsqueda d’una postura intelixente, flexible y a la vez crítica, delantre d’esi destín que parez imparable. Y too ello sazonao con un humor que val, ente otres coses, pa entender meyor les contradicciones planteaes.
Fui maquinista en la minería
Editorial Incuna
Nesti llibru Xulio Arbesú pon la so pluma a disposición de la memoria prodixosa de so padre, qu’a los 87 años cuenta con llucidez y gran cantidá d’anécdotes y detalles, la so llarga trayectoria llaboral, primero nes locomotores del tren de vía estrecha de Duro Felguera y Hunosa y darréu como maquinista d’estracción nel pozu Cerezal. Trátase d’un documentu prestosu sobre unos tiempos que ya nun van tornar. Como se diz nel prólogu del llibru:
A la memoria de los protagonistes d’esta historia que ya nun viven, y más tovía a la de los que tovía viven y puen revivir dellos recuerdos lleendo esti llibru, pa la memoria de quienes malapenes saben del emporiu de vida y trabayu que fueron les cuenques mineres asturianes nel sieglo XX, equí va la historia d’alguién que pue dicir “Fui maquinista na minería”.
A la memoria de los protagonistes d’esta historia que ya nun viven, y más tovía a la de los que tovía viven y puen revivir dellos recuerdos lleendo esti llibru, pa la memoria de quienes malapenes saben del emporiu de vida y trabayu que fueron les cuenques mineres asturianes nel sieglo XX, equí va la historia d’alguién que pue dicir “Fui maquinista na minería”.
La informatización del transporte
Editorial KRK
Ye previsible que na metá del sieglu XXI el tresporte per tierra s’asemeye poco al de finales del sieglu XX. El desarrollu basaráse na implantación d’una rede informática que va controlar la conducción. La rede va desencadenar cambios radicales: van desapaecer los vehículos de más de quince places; va separase la velocidá por aciu de la elevación sobre columnes; les ciudaes van ser plenamente peatonales, a nivel de cai va circulase obligatoriamente con lentitú; la carretera y el ferrocarril van hibridar formando un mesmu conxuntu compatible; van crease conductos estrechos específicos pa les mercancíes; va generalizase’l viaxe de puerta d’orixe a puerta de destín en vehículu públicu... Esti llibru contién la esplicación de cómo se va llegar gradualmente a esi escenariu.
Texto completo de "La informatización del transporte" en pdf en el siguiente enlace:
| la_informatización_del_transporte_edción_de_krk.pdf |
Asina viaxaremos en 2050
|
Ye previsible que na metá del sieglu XXI el tresporte per tierra s’asemeye poco al de finales del sieglu XX. El desarrollu basaráse na implantación d’una rede informática que va controlar la conducción. La rede va desencadenar cambios radicales: van desapaecer los vehículos de más de quince places; va separase la velocidá por aciu de la elevación sobre columnes en puente contínuu llixeru; les ciudaes van ser plenamente peatonales, a nivel de cai va circulase obligatoriamente con lentitú; les mercancíes van circular per conductos; va xeneralizase’l viaxe de puerta d’orixe a puerta de destín en vehículu públicu... Esti llibru contién la esplicación de cómo se va llegar gradualmente a esi escenariu. “Asina viaxaremos en 2050”, en publicación virtual, ye una adaptación pa un públicu xeneral del llibru más técnicu “La informatización del transporte”, editáu por KRK.
|
Texto completo de "Asi viajaremos en 2050" en pdf en el siguiente enlace:
| asÍ_viajaremos_en_2050_julio_arbesú.pdf |
