Grabada pal discu LLANCES DE PAPEL, d’Anabel Santiago, nel estudiu Miler, dirixíu por Marco Castañón, cola participación musical de:

Anabel Santiago, voz.
Ana Fernández, violín.
Xulio Arbesú, guitarra.

El videoclip fue rodáu con Anabel Santiago delantre la estatua xixonesa qu’inspiró’l cantar.

LA LLOCA (tango)
(Xulio Arbesú)
 
Una fiya pa Madrid
de sirvienta col destín
de los probes,
dos varones pa la guerra
enterraos nuna trinchera,
nun sé n’ónde,
y el cuartu pa l’Arxentina,
y el cuartu pa l’Arxentina
nun barcu de cascu negru
que cimblaba coles foles,
que marchaba allálantrones
más y más y más pequeñu
colo que yo más quería,
colo que yo más quería,
colo que yo más quería.
 
Buenos Aires d’Arxentina,
si tan buenos como dicen
sois daveres,
soplái a la palombina
que me traiga na patina
cuatro lletres.
Cuatro lletres son bastante
cola firma conocida
del mio Xuan.
 
Con saber que vive, valme,
nun te pido, Buenos Aires,
nun te pido, Buenos Aires,
nada más.
Con saber que vive, valme,
nun te pido, Buenos Aires,
nun te pido, Buenos Aires,
nada más.
 
Un inviernu ensin noticies
esperando tolos díes
pola carta,
un añu d’chobre a ochobre
cola señardá d’un nome
na mio alma,
siete ochobres nuna roca,
siete ochobres nuna roca,
mirando la mar del norte,
fola tres fola batiendo.
Nun m’importa, anque los siento,
que les muyeres y homes
vengan a llamame lloca,
vengan a llamame lloca,
vengan a llamame lloca.
 
Buenos Aires d’Arxentina...