Xulio Arbesú escribió’l guión, produxo, dirixó y compuso parte de la música del llargumetraxe musical Bailandia, que cuenta una historia de resistencia. Ye una producción de l’Asociación Cultural Bailandia, sin ánimo de lucru y con intención crítica colo que llamamos “el sistema”. Trátase d’un proyectu artísticamente ambiciosu que parte d’unos medios económicos modestos y unos medios humanos enforma ricos: sin contar los extres, 89 actrices y actores nel repartu, ente ellos 36 bailarines; tres grupos musicales pa la banda sonora; siete cantantes... Rodóse nel mes de Xunetu de 2013 nun paraxe de muncha belleza, na oriella del ríu Segura, nos montes del sur d’Albacete. Tamién se rodó una secuencia y parte d’otres n’Asturies, nes orielles del ríu Nalón. BAILANDIA cuenta una llucha de resistencia d’un grupu de persones pa preservar un paraxe natural escontra l’acción destructiva d’una empresa. El so argumentu encuádrase na realidá actual perbaxo’l marcu d’una fábula contada por una marioneta. Esta fábula otórga-y dellos elementos fantásticos y un sentíu simbólicu universal de defensa del planeta Tierra ente l’acción devastadora de la especie humana. La música na que se sustenta’l llargumetraxe ye en buena midida popular de dellos países europeos, pero tamién hai dalgunes piezas orixinales de la producción. Los bailes son de tipu popular y variáu. Estrenóse na Tabacalera, Madrid, en marzu de 2014, y encuéntrase al algame en Youtube, subtitulada n’inglés, francés, alemán, italiano y portugués.
A continuación se muestran los enlaces para acceder a la película completa y demás información de bailandia accesible en youtube:
La LLoca ye un videoclip realizáu alrodiu la escultura llamada oficialmente “La madre del emigrante” y popularmente “La Lloca” debío al desgarru que se ve nel so xestu. Trátase d’una obra de Ramón Muriedas situada enriba la playa del Rinconín, en Xixón. Nesi llugar de frente al mar y cola bahía de Xixón como fondo, la célebre cantante asturiana Anabel Santiago ye al empar intérprete del tangu La Lloca y trasuntu de la lloca mesma, la muyer desesperada por nun saber nada del fíu que-y marchó pa l’Arxentina y enxamás tornó. Ella va tolos díes a mirar pal mar per onde s’alloñó’l barcu que lu llevaba. El tangu La Lloca, compuestu por Xulio Arbesú p’Anabel Santiago, cola so lletra asturiana y la so música arxentina representa como la estatua el drama de l’Asturies emigrante.
Fotogramas del videoclip La Lloca
Viento
VIENTO,xuntocola so versiónn’inglés,WIND, ye un videocliprodáu n’Asturies con dellos primeros planos de la cantante Celina Jiménez y sobre too planos de 27 actores y actrices nel papel d’emigrantes y refuxaos d’époques y procedencies estremaes: -Españoles de principios del sieglu XX dispuestos a garrar un barcu pa América. -Refuxaos de la guerra civil española qu’atravesaben los Pirineos nevaos. -Españoles de los años sesenta esperando’l tren que los diba llevar pa Alemania. -Sirios qu’en 2016 afuxíen de la guerra. Toos venimos d’una raza d’emigrantes, toos podemos ser refuxaos cualquier día. LabasemusicalconsistenacanciónVIENTO,deXulioArbesú,interpretadapolacantante valenciana Celina Jiménez. Esta canción, por aciu de la metáfora del vientu, fala de la condición del ser humanu como emigrante y refuxáu a lo llargo de munches époques y países.
Potestas
Con motivu de la publicación de la versión de Potestas en castellano, Xulio Arbesú realizó un videoclip explicativu sobre la obra. Equí faise un percorríu pelos llugares más importantes nos que trescurren los fechos que rellata esta novela histórica, y pónselos en rellación colos sos personaxes principales.