Nana de la tierra
Esti cantar de Xulio Arbesú forma parte del llargumetraxe musical Bailandia, pero en realidá ye una versión con dellos cambios de la canción “Desde la luna”, que formaba parte del discu “La mina que nun cierra”. Nos dos casos la canta Liliana Fernández, con una voz dulce y expresiva, exquisita sobre too nesta versión de la canción como nana. La escena de la muyer embarazada que canta al empar pa la criatura del so propiu vientre y pal planeta enteru, como partes d’un mesmu destín, ye una de las más belles y significatives de la película.